अनुराग बिडारी & अनुरुप बिडारी, कक्षा-९ धौलागिरी

प्रकृति

प्रकृति त्यो शब्दले बनेको हो जहाँ सबै कुरा अटाउँछ |

उसले नै यो संसारको आयु घटाउँछ र बढाउँछ ||

ठुलो शरिर यसको कालो अन्तरिक्ष |

र एउटा यसको सासमा पृथ्वीको सारा र वृक्ष ||

प्रकृतिको हरेक चिजले बनेको छ यो ब्रह्माणं सारा |

चाहे त्यो जमाउने जाडो होस् या तातो साहारा ||

हाम्रो मानिसको आयु धेरैमा सयवर्ष |

प्रकृति आफैमा अमर छ काल यसको अनन्त ||

स्वर्ग एउटा तथ्य हो तर प्रकृति एउटा सत्य हो |

कहिले सकिँदैन त्यस्तो यसको रहस्य हो ||

कलियुगको कारणले होला सुस्त भएछ क्यारे प्रकृति |

मन लागे बर्षा गरिदिन्छ नत्र पारिदिन्छ खडेरी ||

सरकारी कार्यालय भएछ क्यारे प्रकृति |

ऋतुहरु पालो कुर्छन् अलमल्ल पार्छ त्यसरी ||

तर होइन यसको बग्ने नसाहरू प्रदूषित भयो होला |

त्यसकारणले यसको व्यवहारमा परिवर्तन आयो होला ||

म प्रकृतिको सुस्वास्थ्यको कामना गर्छु |

तर यो कलियुगको प्रगतिमा पनि हात दिन्छु ||

केही वृक्ष रोपी तिमलाई सास उपहार दिन्छु |

जुगा जस्तै रहेर म तिम्रै समिप रहीरहन्छु ||